((
هێرەشا قوەت مەلکوى*بۆ سەر
گوندێ ئەرەدنا وتومارکرنا داستانا سالا 1987))
ل سالا 1985ز، رژێماعێراقێ
بەتالیونا( 42)، قوت مەلکوى دامەزراند، و یا سەر ب ( دیوان الرئاسە) ڤە
بوو،ودوو جهێن تایبەت بۆ هاتنە دەست نیشانکرن بۆ ئاکنجى بوونا وێ هێزێ، ئێک
ل ئینشکێ ویادى ل سەرێ ( مەیدانا ریڤیا)* و ژمارا وێ هێزێ دگەهشتە (3500 )
سەربازا،وپرانیا وان ( مەسیحى)،بوون وهەمى پێداویستى وکەل وپەلێن سەربازى
وچەکەکێ پێشکەفتى وزریپوش وتانک وتوپێن دویرهاڤێژ هەبوون ، زیدەبارى ڤێ
چەندێ ژى یا دەستویر داى بوو ( مخول )، کوب هەر کریارەکێ رابیت دژى خەلکێ
دەڤەرێ، و یا ژهەژیە بێژین دانانا ڤێ هێزێ ژ لایێ حکمەتا فاشستا بەغدا ڤە،
مەرەمەکا رامیارى پێ هەبوو ونەهەر بتنێ هێزا بەرەڤانى کرنێ بوو ، بەلکو
حکمەتا بەعسى دڤیا سیاسەتا ، ژێک ڤەکە وببە سەر وەر ،( فرق تسد )،
ودووبەرەکیێ د ناڤبەرا بسلمانا وفەلا ، مەسیحى یا دا ، پەیدا بکەت و
دوژمنداریێ بێخیتە دناڤبەرا هەردوو لادا ، گومان تێدا نینە کو بسلمان
ومەسیحى خوجهێن دەڤەرێ نە وب هزارەها سالا پێکڤە ژیاینە، وپێکڤە دگرێداینە
ب هەمى بوارا ڤە، ژ بەر ڤێ ئێکێ سیاسەتا ژێک ڤەکەر ب کارئینا ، ئەڤ چەندە ژ
ئەگەرێن سەرەکى بوو ، بۆ دانانا ڤێ هێزا ( قوەت مەلکوى)،قوەت مەلکوى ،
گەلەک گونەهبارى دگەل دەڤەرێ کرن کاودانێت دەڤەرێ بەرتەنک کرن وزیان
گەهاندنە دەڤەرێ، وب کریارێن نە مرۆڤانە رابوون ، وەکى سوتاندنا دەخل ودانى
وبریناداروبارى و قەدەغەکرنا هاولاتیان بۆناڤ و
رەزوبیستاناوگرتنوئەشکەنجەدان خەلکێ دەڤەرێ،و دانانا بوسا* ، ل سەر رێکێن
گوندا وهاولاتیان ل چیایێ مەتینا ودەڤەرا بەرێ گارێ و سپنەى، ل رۆژا
8/5/1986 ز، هێزا ناڤبرى ، برێکەفتن وبەرەڤ گوندێ کانى هاجەرێ هاتن ، ب
مەرەما خراپکرنا گوندێ ناڤبرى لێ خەلکێ گوندێ کانى هاجەرێ ، ب مێرانە
بەرسینگێ وێ هێزێ گرتن وشەرەکێ دژوار د گەل کر،وئەوى شەرى پتر ژ دوو دەم
ژمێرا ڤەکێشا وهیزا ناڤبرى تێک شکاند وپاشڤە زڤراندە د ئینشکێ دا، وزیانەکا
مەزن گەهاندە وێ هێزێ، وپشتى وى شەرى قوت مەلکوى،کەرب وکین ژ ئەرەدنیا
هەلگرت، و ئەو کەرب وکین زێدەتر لێهات ، دەمێ کو هەمى گوندێت، ژ ئامێدیێ
وهەتا بامەرنێ هاتینە خراپکرن وئەرەدنا ب تنێ ماى ،هێزا قوەت مەلکوى،گوندێ
ئەرەدنا، کرە ئارمانجا توپ خانا و موشەکێن خۆ و رۆژانە پتر ژ 25 توپا
لێددان ، وجوتیار وخەلکێ ئەرەدنا قەدەغەکرن بۆ ناڤ ملک و رەزا ، ب تایبەتى
ل وان جهێن دکەڤنە ل ژێر دەست هەلاتیا وان ودیسان ل زالگەهێن وێ هێزێ گەلەک
نەخۆشى بۆخەلکێ گوندێ ئەرەدنا چێدکرن ول سەرەراى ڤێ چەندێ ژى خەلکێ گوندێ
ئەرەدنا گوند بەرنەدا وبوونە کەلەمێ چاڤێن دۆژمنان ل 1/9/1987ز، لێژنا
ئامێدیێ، دەست ب خرڤە کرنا پێشمەرگەى کر،ژبۆ تومارکرنا داستانا(کانى
ماسێ)*،هەمى پێشمەرگێن ( لێژنێن ئامێدیێ وزاخو وشێخان)، وهەمى دەڤەرێ ل ناڤ
بەرواریا خرڤە کرن ، بێگومان پێشمەرگە و بەرگرى مللێن گوندێ ئەرەدنا ژى، ل
دویڤ وێ گازیێ چ بوون، و ژمارەکا کێم ژ بەرگرى مللیا مابوونە دگوندى دا ،
ودگەل هندەک کەسێن بێ چەک
دەمێ قوەت مەلکوى، ڤال بوونا گوندى ژ پێشمەرگا و بەرگرى مللیا زانى،ئەڤە ب
دەلیڤە زانى ، داکو هێرەش بکەتە سەرگوندێ ئەرەدنا، وێ ژى خراپ بکەتن ، وەکى
ێن دەڤەرێ ، وناڤەکى بۆ خۆ چێبکەن و ( نوت الشجاعە )*، پێ وەربگرن ول رۆژا
4/9/1987 ز، پتر ژ 3000 هزار، سەرباز ئامادەکرن و ل شەڤا(4ل سەر 5 /9/)
1987ز، و ل سێ تەوەرا هێرەش کرە سەر گوندێ ئەرەدنا ، تەوەرێ ئێکێ ژ ئینشکێ
سەرکەفت بۆ ناڤێلا وچەلکێ سپى و کلوخێ خوارێ دەشت*، و تەوەرێ دوویێ ل
ناڤبەرا بامەرنێ و ئەرەدنا ، بۆ سەرێ ملێ شکەفتا قەلایێ وتەوەرێ سێ ل
ئەرەدنا ژێرى بۆ بنێ گوندى و ژسێ لاڤە گوند دور پێچ کر، ول دەم ژمێر
(3)شەڤێ، پەیوەندى ب توپخانا خۆ کر ل ئینشکێ و سەرسنگێ و ب رەنگەکێ همبز
گوند توپ بارانکر ، خەلکێ گوندى هشیار بوون ژ خەو وبتنێ (17) کەس ژ بەرگرى
ملیا د گوندى دا بوون، و خۆ بەلاڤ کر ل رەخێن گوندى ، بۆ زێرەڤانى کرنێ و ل
دەم ژمێر 4چوار دەه دەقیقەى ، بەرێ سپێدێ هێرەشا پەیادە دەست پێکر و ب
ئارپیچا، و بیکەیسیا و کلاشینکوڤا ل هەر سێ لاڤە گوند گولە بارانکر ، وان
(17) کەسا قەستا چەپەرێن بەرەڤانى کرنێ کرن *2 وبەرسینگێ هێزا دۆژمنى هاتە
گرتن و نەهێلا ئێک پێنگاڤ بێنە پێش و هێرەشا وان ب سەر ئێک دا برە خوارێ و
هەر دوى دەمیدا دوو پیرە میر* هنارتنە هەوارێ ئێک بۆ لیژنا ئامێدیێ و ئێک
بۆ گوندێ گویلکا هێزا دوژمنى ل چ تەوەرا نەشیا بێتە پێش و هەتا دەم ژمێردەه
و چل دەقیقە ، قوەت مەلکوى پێنچ هێرەش ئینانە سەر گوندى و هەمى تێک هاتنە
شکاندن (30) سی تەرمێن وان مانە د گورەپانا شەرى دا و ل دەم ژمێر
(10:40)دەه وچل دەقیقە ، رێکخراوا (چوار چرا و مەتین )، گەهشتنە گوندى ، و
ب هاتنا هێزا هەوار هاتنێ ورێت بەرگرى ملیا بلند بوون وهەروەسا کەیفا
پێشمەرگەى ژى هات چونکە گوند نەهاتیە سوتن وژن وزارۆک نەکەفتینە دەستیێن
دۆژمنى ، هێرەشا هەڤ دژ یا هێزێن پێشمەرگەى و بەرگرى ملیا دەست پێکر ، و
هەتا دەم ژمێر یازدەى بەرى نیڤرو نەه رێکخراوێت پێشمەرگەى گەهشتنە گوندى و
ب هەمى لاڤە هێرەش کرە سەر دۆژمنى وکونێن مشک ومارا ل بەر قوەت مەلکوى کرنە
قە یسەرىو ل وى دەمى بەرپرسێن لیژنا ئامێدیێ، ل گوندى ئامادە بوون ، رێزدار
(تەمەر کوچەر و سەید نایف چەلکى و مەحمەد خالد بوێلى)، و پیروزباهى ل خەلکێ
ئەرەدنا کرن ، ب ناڤێ لقا ئێک و لیژنا ئامێدیێ ب هەلکەفتا تومارکرنا وێ
داستانێ زیانێت هێزا قوەت مەلکوى د ڤێ داستانێ دا بڤى رەنگێ
خوارێ بوون :پتر ژ (172) سەربازا ، ژێ هاتنە کوشتن وبریندار کرن و تەرمێ
(70 )، سەربازا ما دا گورەپانا شەرى دا،گرتنا جیهازەکێ لاسلکى (راکال )
گرتنا توپەکا 60ملم ، دگەل 15 گولا ، گرتنا 80 کلاشینکوفا ، دگەل 4000
فیشەکا و گرتنا 3 ئارپیچیا و دگەل 15 گولا وگرتنا 3 دوربینا وگرتنا 90
نارنجوکێن دەستى و گرتنا 4500 فیشەکێن بیکەیسیا ،و یا ژ هەژیە کو بێژین هەر
سەربازەکێ قوەت مەلکوى شەلیتەکا ب درێژاهیا مەترەکێ د بەریکێ دا بوو بۆ پێک
ڤەگرێدانا ژن وزارۆک پێشمەرگا ئەگەر ب ساخى گرتن ،و ل رۆژا 6/9/1987 ،
رۆژەکێ پشتى شکەستنا قوەت مەلکوى ، هێزا ناڤبرى گوند ب توپا گولە بارانکر و
ل دەم ژمێر چوارى ئێڤارى ، توپەک ب ناڤ مالا کەفت سێ کەس 3 *ژ ئەرەدنیا
شەهید بون و 7 پێشمەرگە بریندار بون ،ب ڤى رەنگى داستانا ئەرەدنا هاتە
تومار کرن د لاپەرێن دیروکا
.مللەتێ کوردا
بناڤێ قوە ت مەلکو ، هاتیە نیاسین ژ بەر کو ، ناڤێ سەرکردێ وێ مەلکو بو ، و
ناڤبرى خەلکێ گوندێ بێناتایە ، یا کو د کەڤیتە باشورێ قەدشێ و
مەسیحى تێدا دژین وپاشى سەر پەرشتى کرنا ڤێ هێزێ راستەوخۆ ژلایێ (دیوان
رئاسە ) ڤە هاتە کرن و مانع تکریتى سەرپەرشتیا وێ هێزێ کر کو ئێک ژ نێزیکە
مروڤێن (ێەدام حسینى ) بوو
ا*-مەیدانا روڤیا: د
کەڤیتە ل ناڤبەرا سەرسینگێ و ئینشکێ و نزیکى کیلو مەترەکێ ژ سەرسنگێ دویرە
، و نوکە ژى .هەر ب ناڤێ فەوجا 42 دهێتە نیاسین ل دەڤ خەلکێ دەڤەرێ
ا*- د بوسەکێ دا ل سپنەى تاهر زێوەى ، کودهاتەنیاسین
ب تاهرێ خوناڤێ، وخەلکێ گوندێ زێوا شێخ پیراموس ، .شەهید کر و د بوسەکێ دا
ل چیایێ مەتینا خالد ێادق ئەرەدنى شەهید کر
ا*- داستانا کانى ماسێ ل روژا 13/9/1987ز، هێزین
پێشمەرگەى هێرەشەکا بەرفرە کرە دەڤەرا کانى ماسێ و ، وهەر ژ کانى ماسێ و
هەتا چەقەلا ، و د گەل رەباێن دەوروبەرا ڤە کە دبونە پێنچ بەتالیونێن
حکمەتێ هەمى ستاندن وگرتن وپتر ژ 776 کەسا ژ هێزێن حکمەتێ ئێخسیر کرن و
ژمارەکا مەزن ژێ کوشتن و بریندارکرن وپتر ژ پێنچ ،توپێن دویر هاڤێژ ێن 120
ملم ، و دگەل ژمارەکا سەیارا و چەکەکێ گران و سڤک هاتنە گرتن
نوت الشجاعە : خەلاتەک بو ێدام حسینى ددا ئەفسەرێن خوێن زیرەک و میرخاس ، و
ئەڤەژى د شەرێ عێراقێ و ئیرانێ دا هاتە ب کار ئینانداکو ئەفسەر پتر گرنگیێ
بدەتە ئەرکێ خو ، ودگەل نوت الشجاعێ ، پارە و ترومبێل و خانى .ژى هەبو
ا*-ناڤێلا و چەلکێ سپى و کلوخێ خوارێ دەشت ، ناڤێت
هندەک جهانە ل ئاخا ئەرەدنا0و د کەڤنە چیایێ مەتینا
1- ژ عیسى مستەفا هاتە وەرگرتن ژ دایک بوى 1957. ل روژا 2/3/1999 خ
ونوکە ل سەرسنکێ دژیت و ئامر بەتالیونە ل لەشکەرێ دووى تایبەت*-قوە مەلکوى
دوو سرێن ئارپیچا هەبو ن هەر ئێک ژ چل ئارپیچا پێک د هاتو ل .شەرێ ئەرەدنا
هەردوو سریا بەشدارى تێدا کربو
ا*- چەند چەپەرەک ل ئەرەدنا
هەنە ئەگەر نەهینە ستاندن ، ستاندنا گوندى یا ب زەحمەتە، وەکى چەپەرێ مێرکێ
.بلباس و ساروکا حامدى و ساروکا قەپلانى
ا2- اسکان مەحمەد حەسەن ، ژدایک بوى 1968
،هاتە وەرگرتن ل روژا 25/5/1998 ، ونوکە ل سەرسنکێ دژیت
ا*- احمد موسى احمد 1924 –2004 و سلیمان
خالد 1926 –1996 ، هنارتنە لیژنا ئامێدیێ و گوندێ گویلکا ، بو .هەوارێ
ا 3-عیسى مستەفا ، چاڤ پێکەفتنا بەرێ
ا 4- موسێ جرکیس /ژ دایک بوى 1955 ، چاڤ
پێکەفتنا روژا 8/11/1999 ، ونوکە ل ئینشکێ دژی
ا5- رەمەزان سعید محمد على ژ دایک بوى
1963ز، ود چاڤ پێکەفتنىا روژا 20/1/200 ،ونوکە ل سەرسنگێ .دژیت و ئامر
بەتالیونێ بەتالیونا چوارە ل لەشکەرێ تایبەتى دوو
6- جەوهەر میرزا یەحیا ، ژدایک بوى 1952
ز، ونوکە ل سەرسنگێ دژیت ، بەرپرسێ رێک خراوا مەتین بو
7- رهمەزان سعید محمدعلى ، چاڤ پێکەفتنا
بەرێ
8- جەوهەر میرزا ، چاڤ پێکەفتنا بەرێ
*- نائیف عمر خالد و ئیران نجمان گەنجو ،
منیرا یوسف شەهید بون
9- کمال محمد عبدالرحیم ژ دایک بووى 1946
ئامر بەتلیونا 5 لەشکەرى تایبەتى دوو ونوکە ل ئینشکێ دژیت
10- جەهوەر میرزا – ژێدەرێ بەرێ
ئەڤ پێزانینە ژ پەرتوکا((- ئەرەدنا ، بەرپەرەکێ ڤەشارتى ژدیروکا دەڤەرا
ئامێدیێ – عبداللە دەروێش ومستەفا عبدالرحمن یونس – لا 159
-160-161-162-163-164-چاپخانا-کاروان هەولێر))هاتە وەرگرتن
سترانەک ل شەر شێوازى فلکلورى یان کو وەکى سترانێن( کوچک و دیوانا) دگەل
پەستەکێ کو ب شەرێ داستانا ئەرەدنا ئەوێ ل سالا 1987کرن، هاتیە ڤەهاندن ل
دەمێ قوەت مەلکوى هێرەش ئینایە سەر گوندێ ئەرەدنا بۆ سۆتاندنا گوندێ وگرتنا
ژن وزارۆکێن گوندى ، و وێ مێرانیا خەلکێ گوندى و پێشمەرگەهى ئەنجام داى.
وئەڤ سترانە هاتیە ڤەهاندن ژ لایێ (میسا جەرگیس حسین ئەرەدنى) ڤە ل
چادرگەها ماردین ل سالا 1989 و ژبەر گرنگیا وێ مە ئینایە خوارێ
(( سترانا
شەرێ داستانا ئەرەدنا 1987 ))
لێ لێ لێ دنیایێ لێ لێ لێ نیایێ
ئەزێ ب سپنێ بادینادا داکەتم بەرى ڤى باى
سەرى ڤێ سوبا هانێ ل بەروژ و نزارا
ئاگرێ خودێ چ بەربۆ ڤێ دنیایێ
لێ لێ لێ دنیایێ لێ لێ لێ نیایێ
ئاگر ب کەڤیتە مالا فەساد وپارە خۆرێن ڤى زەمانى
خودێ کەفیلێ من هەوەبیت ل سالا1987 ێ هەیڤا نەه بۆ
پارە خۆر و فەسادا چ کرى یە
قەستا فەوجا ئینشکێ قوەت مەلکوى کرى یە
لێ لێ لێ دنیایێ لێ لێ لێ نیایێ
گوتێ یا مەلکو ئەفندی یە
ب وێ ئینجیلا تە لێ خواندى یە
مەگوندێ ئەرەدنا ب چاڤێن خۆ دیتى یە
ژغەیرى ژنک و چوار پێنچ پیرەمێرا دناڤا گوندى دا نەماى یە
لێ لێ لێ دنیایێ لێ لێ لێ نیایێ
مەلکوى گوتێ زەلامێن گوندى کیڤە چوى ینە
چ جارا گەلیێ ئەرەدنا سەرێ ناڤێلا
ژ هارب و مەنەزمێن پێشمەرگەهى ڤالا نە بى یە
لێ لێ لێ دنیایێ لێ لێ لێ نیایێ
گوتێ یا ئەفندى یە ئەڤە سەرێ سێ شەڤ و سێ رۆژانە
لقا ئێک لیژنا ئامێدیێ جابا هارب وپێشمەرگەى هنارتى یە
وب وێ ئینجیلا تە لێ خواندى یە
زەلامێن بشێت تڤەنگێ هەبلگریت
دناڤا گوندى دا نەماى یە
لێ لێ لێ دنیایێ لێ لێ لێ نیایێ
مەلکو ئەفندى چ کرى یە
زابت و میلازم ونائب عەریف
ل خۆ جەماکرى یە
ئیجتماعەک ل گەل وان کرى یە
گوتێ، مە ژ زێى هەتا خابیرى
گوند و باژێرین کوردستانێ
بتوپ قومبەلا ونەپالما خراب کرى یە
ژغەیرى گوندێ ئەرەدنا لێ نەماى یە
لێ لێ لێ دنیایێ لێ لێ لێ نیایێ
ئەمێ رابین لەزکەین و بلەیزینین
خۆ بەردەینە سەرێ ناڤێل
ئەوى گوندێ ئەرەدن
ئەمێ عەرز و عەیالێ وان
هەمیا پێکڤە گرێدەین بکەلامچ
بۆ ئەمنا سەرسنکێ ب دیارى ئینین
لێ لێ لێ دنیایێ لێ لێ لێ نیایێ
ئامر وزابتا سێ هزار عەسکەرێ نیزامى ل گەل خو راکرى یە
ب توپ تانک ومدەرعا ڤە قەستا گوندێ ئەرەدنا کرى یە
وژ سەعەت دووى شەڤ پێد
خۆ بەردا گوندێ ئەرەدنا سەرێ ناڤێل
چوار دەورێن گوندى لاو گرتینە
خودانێن جیهازا ئیتسال
ب کەتیبا توپا ل سەرسنکێ و بامەرنێ کرى یە
لێ لێ لێ دنیایێ لێ لێ لێ نیایێ
منێ بەرێ خۆ دایێ ب توپان و گولێن ئارپیچا و سەدو شەش
ل بەروژ و نزارا ئاگرێ خودێ بەردا ڤێ دونیایێ
گورمینا توپانە هشێنا گولێت ئارپیچیانە
گرەگرا بیکەیسیانە
لێ لێ لێ دنیایێ لێ لێ لێ نیایێ
بدەنگێ توپا ژنک ژخەو هشیار کرى نە
بەرێ خۆ دا رەخێن گوندى نە
وەکى برەکا پەزى بەردەنێ
عەسکەر ل گرو ملا سەرکەفتى نە
ئەوان ژبنێ پیا کر هەوارو گازى یە
هاى یێ ێ ێ هەوارە گەلى برانو هەوارو سەد هەوارە
ژماما وبرازا وخالاخوارزا را هەوارە
رابن برانو سێ هزار عەسکەرى چوار دورێن گوندى ل وە گرتینە
سەرێ ڤێ سوبێ خۆ هشیارکەن
خەم ساریێ نەکەن
سەرێ خۆ ل بەر دوژمنى شورنەکەن
مە ب دەستێن عەسکەرێ عەرەبى دا رەزیل نەکەن
لێ لێ لێ دنیایێ لێ لێ لێ نیایێ
ژغەیرى (17) زەلاما دناڤا گوندى دا نەماى یە
ڤان هەڤدە زەلاما چ کرى یە
خۆ درەخت و فیشەکا را پێچایى یە
قەستا بەر چەپەرا کرى یە
دلێ مە دەهانە ڤان خۆش مێر
ناڤ ل ئێک و دوو دانە
قونتاخێن غەدارا کێشانە بەر ملانە
لێ لێ لێ دنیایێ لێ لێ لێ نیایێ
قوەت مەلکوى گازى کر گەلى هارب
هوین لەزکەن و بلەیزینن
تڤەنگێن خۆ سەر نشیڤ بمللێ خۆ ڤەکەن
خۆ تەسلیمى مە بکەن
دەوەبێ ل مە قرار و مادە بێ
بەختێ قیادا قوترى بۆ وە بێ
ئەمێ عەفووا وە ژ قیادا بەعسى دەرئێخین
لێ لێ لێ دنیایێ لێ لێ لێ نیایێ
وەختێ ئەڤ ئاخفتنا هانێ گوتى یە
ئاقل وفێم و سەود
د سەرێ خۆش مێرا دا نەماى یە
گوتێ یا مەلکو ئەفندى یە
کەرێ مە د بەختێ تە و قیادا تە دابى یە
چ دەورو چ زەمانا مە گوه لێ نەبوو یە
ژباب و باپیرا هەتا نوکە
خورتێن کوردان سەرێ خۆ ل بەر دوژمنا شور نەکرى یە
لێ لێ لێ دنیایێ لێ لێ لێ نیایێ
ئەزێ ب سەرێ ناڤێلا دا داکەتم ب دار مازى یە
ب سێ دەنگا ل پیرە مێرەکى کر گازى یە
هلو رابە لەز بکە ب لەیزینە
خۆ ب وەلاتێ بەرواریا را بگەهینە
هەوارا لیژنا ئامێدیێ بۆ مە بینە
لێ لێ لێ دنیایێ لێ لێ لێ نیایێ
ئێک دناڤ گوندى رابى یە
قوتە گوپالەکێ کوچەرى ب دەستێ خۆ گرتى یە
رێکا سەعت و نیڤا ب چل و پێنچ دەقیقا تەقاندى یە
خۆ بدەرێ گەلیێ بێشیلێ را گەهاندى یە
چاڤێن ئەندامێن لیژنێ ڤێ کەفتى یە
گوتێ هامامو سەرێ ڤێ سوبا هانێ
تەخێرە حەوالە چى یە
پیرەمێرى ژبنێ پیا کرە هەوار و گازى یە
گوتێ هەوارە گەلى خۆش مێرا هەوارە
سەرێ ڤێ سوبا هانێ سێ هزار عەسکەرى ب سەر گوندێ مەدا گرتى یە
هوین بخۆ دزانن پێشمەرگەهێن مە جەولەچى یە
ژغەیرى دەه پازدە زەلاما دناڤا گوندى دا نەماى یە
بەختێ خودێ دا هوین لەزبکەن و ب لەیزینن
هەوارا پێشمەرگەهێ کوردستانێ بۆ مە بینن
لێ لێ لێ دنیایێ لێ لێ لێ نیایێ
وەختێ ئەڤ گوتنا هانێ گوتى یە
لیژنا ئامێدیێ کاغەز ل سەر کاغەزێ نڤێسى یە
جابا نەه منەزمێن پێشمەرگەهى هنارتى یە
هەچى پێشمەرگەهێ کوردانە
وەکى کەوێ سەرێ چیانە
ب شەڤ روژا بەرێ وان ل هەوار وگازیا نە
دارێ ئارپیچا ل سەر ملێن وانە
وەکى شێرێ بیشا ل سەرێ ناڤێل
ل نیڤا گەلیێ ئەرەدن
ل بەر سیگێ عەسکەرێ عەرەبى بوونە سندانە
لێ لێ لێ دنیایێ لێ لێ لێ نیایێ
پێشمەرگەهێن گوندى بەرێ خۆ دا شەرى
گازى بەرگرى مللیا کرى یە
گوتێ وە چ مێرانى بۆ مە کرى یە
چاڤێ بەرگرى مللیا ب پێشمەرگەهى کەفتى یە
گوتى ژبانگێ سوبێ هەتا نوکە
سێ چوار هێرەشێن وان مە شکاندى یە
سێ میلازم و سیه وپێنچ جندى مە ژێ کوشتى نە
هێشتا مە حەیفا دوو بریندارا و خویشکا منیرا
دەیکا چوار زارۆکا نەهەلاندى یە
لێ لێ لێ دنیایێ لێ لێ لێ نیایێ
وەختێ پێشمەرگەهى ناڤێ شەهید و بریندارا گوه لێ بوویە
ئاقل وفێم و سەودا د سەرێ واندا نەماى یە
دارێ ئارپێچا ل سەر ملێن خۆ دانى یە
هجوم بەردا سەر چەپەرێن دۆژمنى یە
بگولێن ئارپیچا ناڤ تێدانا کورێت باب
وەکى گوڕێ هار بکەڤیتە ناڤا بەرکا پەزێ سپى یە
لێ لێ لێ دنیایێ لێ لێ لێ نیایێ
بۆ گورمینا ئارپیچانە گرەگرە کلاشینکوفانە
ناڤ تێدانا کورێت بابانە
قوەتا عەسکەرى ب سەر ئێک دا قولپاندى یە
هەتا گرێ مێرگا چیلکى بەرێ ڤەکرى نە
بەرەڤ ئینشکێ رەڤینە
لێ لێ لێ دنیایێ لێ لێ لێ نیایێ
هەوار وهەوار و نالە نالا بریندارانە
بەخت بەخت و ئەمان ئەمانا ئێخسیرانە
لێ کرى یە فەرمان و ئاخر زەمانە
بخێر و خۆشى پێشمەرگەهێ کوردستانێ زڤرى یە
گەلەک دەست کەفتى ژ دۆژمنى هەلاندى یە
توپەک و رەشاشەکا بیکەیسى یە
دگەل جیهازەکێ راکال و 35 غەدار
ل سەر تەرمێن وان راکرى یە
ب هژمارا 172 جندى و زابت ژێ کوشتن و بریندار کرى نە
لێ لێ لێ دنیایێ لێ لێ لێ نیایێ
ئەو رۆژ قولپى رۆژا پاشتر
تشتێ خودێ خراب بکەت خرابى یە
خودێ مالا خودانێن توپا ل بەر دارێ حەفتێ میراتا بێخیت توپەکا هاتیە
و ب نیڤا پێشمەرگەهى کەفتى یە
حەفت بریندار کرى یە
بابێ بەیار دگەل خویشکا ئیران شەهید کرى یە
هزار سلاڤ ل سەر گیانێ وان بى یە
تەرمێن وا راکرى نە
گوت مە حەیڤا خۆ ب دەستێن خۆ هەلاندى یە
172 زابت و جندێ مە ژێ کوشتى نە
لێ لێ لێ دنیایێ لێ لێ لێ دنیایێ
ئا:مصطفى عبدالرحمن ئهرهدنى
|
