ل سالا 1945، ل گوندێ ئەرەدنا ژدایک بویە و خواندنا خویا سەرەتاى و ناڤنجى ل دهوکێ و ميصل بدوماهى ئینایە، ل سالا 1954ز. مالا وان هاتیە ڤەگوهاستن بو باژیرَ دهوکێ ، ل هەیڤا یازدە ل سالا 1961 ز ، عبداللە نەجار بو ژ بەر کارێن سیاسى خواندنا خو ل باژیرَێ دهوکێ بهێلیت و ب مال ڤە بەرەڤ دەڤەرێن رزگار کرى بچن و گەهشتە رێزێن پێشمەرگەى و15/11/1961ز، پەیوەندى ب بارەگایێ (ئەسعەد خوشەڤى) کر ل گوندێ دەرگەلا شێخان و دەڤەرا دوسکى ژێریا و هاتە وەرگرتن وەک پێشمەرگە و هەر دوێ سالێدا دگەل( سەعید خلیل خوشەڤى) هاتە دامەزراندن وەک نڤێسەر(کاتب)، و هەر دوێ سالێ دا بارەگایێوان هاتە ڤەگوهاستن بو ناڤ بەروارى ژوریا بو گوندێ گەرمکێ وئێکەمین(1) بارەگایێ شورەشا ئەیلولا مەزن ل گوندێ ناڤبرى هاتە دانان ، ل هەیڤا حەفت یا سالا 1962ز، هاتە ڤەگوهاستن بو هێزا دهوکێ یا کو سەرکردە (عەلى خلیل خوشەڤى) سەرپەرشتیا وێ دکر و ئەرکێ بەرپرسیارەتیا عمبارا ئاهێن خارنێ(ارزاق)، بو هاتە دان ل گوندێ شاوەریکێ ل ناڤ دوسکى ژێریا ، ل سالا 1963 دا حکمەتێ هێرەش کرە سەر دەڤەرێ و بارەگایێ هێزێ کەفتە دەستێن حکمەتێ وپێشمەرگە نەچار بون بەرەڤ چیایێ مەتین ودەڤەرا بەرواریا ژوریا بچن و ل وێرێ بەرسینگێ دوژمنى بگرن وهێزا وان ل تەوەرێ سەرێ ئامێدیێ و چوار چەلى بو و پتر ژ هەیڤەکێ بەرگری کرو هێزا حکمەتێ شکەست و جارەکا دى ڤەگەریانە بارەگایێ خو ل دەڤەرا دوسکى ژێریا ل گوندێ چرانێ، هەتا سالا 1966. خولەکا برین پێچیێ هاتە ڤەکرن ل ( قەسرو ماکوسا ) ل دەڤەرا راوەندوزێ و بالەکایەتیێ ، ئەوژى ئێک بو ژ بەشدار بویا و ب پلا نایاب (ممتاز)، و ئێکەم دەرچو و هاتە ڤەگوهاستن بو دگەل لەشکەرى ئێک ل لایێ سەرکردە ( ئەسعەد خوشەڤى ) و ل خەستەخانا قمریێ کەفتە کارى ل هەیڤا 12 یا سالا 1966ز، خولەکا بێتەلیێ هاتە ڤەکرن و ئەوژى ئێک ژ بەشدار بویا بو، شەش هەیڤا وێ خولێ ڤەکێشا و هەر ل وێ خولێ ژى ب پلا ئێکەم دەرچو و ڤەگەریا دەڤەرا بادینان ول بارەگایێ لەشکەرێ ئێک کەفتە د کارێ بێتەلیێ دا ل سالا 1967 دووبارە چو بو دەورەکا جیهازێن نوکە GRC19 و پاش تەواو کرنا خولى هەر ل دەڤەرا سوران ما و نەهاتە دەڤەرا لشکرا . ل سالا 1968 هاتە نیاسین ژلایێ سەرکردایەتیێ ڤە و ب تایبەتى ژ لایێ (بارزانیێ نەمر و ئێدریسێ جوانە مەرگ و سەروک مسعود بارزانى) ڤە، د ناڤبەرا ڤان سالا دا ل گەلەک جها کارێ بێتەلیێ کریە مینا (لەشکەرێ ئێک بادینان و بارزان و بارەگایێ بارزانیێ نەمر و تەهران ) و گەلەک جهێن دى و پشتى نەکسا خیانەت کارا سالا 1975ز، دگەل هزارەها کوردێن دى و ب مال کەس و کار ڤە بەرەڤ ئیرانێ دچیت و ل شارێ (ئەردکان) یا سەر ب پارێزگەها یەزد ڤە ئاکنجى دبیت و ل سالا 1979ز، دوبارە دەست ددەتە ئەرکێَ خو یێ نەتەوەى ل کوردستانا ئیرانێ و دبیتە بێتەلێ سەروک ( مسعود بارزانى) یێ تایبەت و دەزگاێن بێتەلیێ وەردگریت و دکەڤیتە کارى و پلا جێگرێ (مخابرا گشتى) بو دهێتە دان و ل وى سەردەمى شەش بێتەل بتنێ هەبون بەلێ ب هاریکاریا سەرکردایەتیێ دەست ب ڤەکرنا خولێن بێتەلیێ کرن بو بێتەلا و ب ماوەیەکێ کێم شیان هەمى بنکە وبارەگاێن پێشمەرگەى و حزبى دەزگایەکێ مخابرێ لێ دانن بو پەیوەندى کرنێ پشتى سەرهلدانا سالا 1991ز، دگەل جەنابێ سەروک بارزانى هاتە کوردستانێ و پلا بەرپرسێ ( مخابرا گشتى ) بو هاتە دان و ل ( 16/8/1996 )، هاتە خەلات کرن ب مەدالیا (بارزانیێ نەمر) ژ لایێ سەروک مسعود بارزانى ڤە و هەتا نوکە ژى یێ بەردە وامە ل سەر خەباتێ ویاژهەژیەکو بیژین کومەکا برا و برازاێن وى گیانێ خو گورى دوزا کورد وکوردستانێ و رێبازا پیروزا بارزانیێ نەمر کریە ، وەکو شەهید عبدالرحمن و شەهید ئەحمەد و کو هەردوو براێن وینە و شەهید حاجى عبدالرحمن و شەهید بەدرخان حاجى کو برازاێن وینە000 هتد (1) گوندى گەرمکێ :- وارەکێ گوندێ کێستەیانە دکەڤیتە باشورێ گوندێ کێستە و سەر ئاڤا خابورى و هەم مەرزە و دگەل ئاقارێ چەلکێ دایە دەڤەرا بەروارى بالا
شەعبان مەحەمەد تاها ئەرەدنى
ل سالا 1932ز، ل گوندێ ئەرەدنا ژ دایک بویە و ل سالا 1959ز، دەست دایە چەکى و ل سالا 1961ز، پەیوەندى ب بارزانى کر و دگەل هێزا (حسو میرخان) ، پلا سەر لق،بو هاتیە دان و پاشى هاتیە ڤەگوهاستن بو دگەل هێزا( غازى حاجى مەلو)ى و (100)، زەلام داینە دگەلدا ، هەتا سالا1975زو پشتى نەکسا 1975، بەرەڤ ئیرانێ چویە،وحکمەتا ئیرانێ دگەل ژمارەکا سەرکردێن دى،گرتینەو تەسلیمى حکمەتا عێراقێ کرن ،و هاتنە دویر ئێخستن (نفى)،کرن بو باشورێ عیراقێ ل پارێزگەها رومادى و پتر ژ سێ سالا ماینە ل وێرێ ول سالا 1991ز، جارەکادى دەست دایە چەکى ورولەکێ بەرچاڤ هەبوو دسەرهلدانێ دا سێ جارا د گەل ئەفسەرێن هەڤپەیمانا ل ئوردیگایێ جەلێ ب فروکا هەلیکوپتەر، بەرەڤ کوردستانێ هاتیە بو نیشاندانا دەڤەرێ و پشتى سەرهلدانى ول سالا 1992ز، دبیتە ئامر هێز ورێبەریا گوندێ ئەرەدنا دکەت و بناڤێ گوندێ ئەرەدنا چەندین جارا دگەل خەلکێ گوندى بەرەڤ سەنگەرێن بەرەڤانى کرنێ دچیت ،دڤێ پلێ دا بەردەوام دبیت هەتا سالا 1997ز دبیتە ئەندامێ لەشکەرێ دوازدە ، ول سالا 1998ز، و پشتى خەباتەکا دویرو درێژ هاتیە خانەنیش کرن،ونوکە ل سەرسنکێ دژیت و بەشدارى دگەلەک شەرو داستانا دا کریە وسێ جارا هاتیە بریندار کرن و گەلەک جارا هاتیە خەلات کرن ژ لایێ بارزانیێ نەمر ڤە وب دیتنا وى شاد بویە ،دشەرێ پێنجوین هاتیە خەلات کرن ژ لایێ بارزانى ڤە ب (برنویەکێ) و دشەرێ هندرین 1966ز، دیسان هاتیە خەلاتکرن ، ب رەشاشەکێ و برنویەکێ و ل سالا 1974ز، دیسان هاتیە خەلات کرن ب برنویەکا دار شیشە
جەهوەر میرزا یەحیا ئەرەدنى
ل سالا 1952 ز، ل گوندێ ئەرەدنا هاتیە سەر دونیایێ و ل سالا 1974، بویە پێشمەرگە د گەل هێزا (غازى حاجى مەلو) ى و سەر ب لقا شعبان ئەرەدنى ڤە بو و ل سالا 1975ز، دەست دایە کارێ نەهێنى و د ئەنجام دانا کارەکى ل سالا 1977 ولێدانا رەبیا سەر شکەفتا ئینشکێ ،بریندار دبیت و ل سالا 1982ز، تورا وان ئاشکرادبیت و دبیتە پێشمەرگە د گەل رێکخراوا شەهید (شعبان عمر)ى، بەرپرسێ وێ سەید نایف چەلکى و لسالا 1983ز،بویە جێگرێ رێکخراوا شەهید (سعید سپیندارى) و پاشى بویە بەرپرسێ رێکخراوا (مەتین) و د هەمى شەرو داستانێن ناڤبەرا سالێن 1982 و هەتا 1988 ز، بەشدار بویە و پێنچ جارا هاتیە بریندارکرن و پشتى ئەنفالێ ب مال ڤە بەرەڤ ترکیا دچیت و ل ئوردیگایێ ماردین ئاکنجى دبیت و پشتى سەرهلدانێ، جارەکادى دەست دەتە و گەلەک جارا هاتیە خەلات کرن ژ لایێ سەرکردایەتیا پارتى ڤە ، ب تایبەتى ژ لایێ بەرێز (نێچیرڤان بارزانى ) و بەرێزدکتور روژ و بەرێز فازل میرانى و تەمەر کوچەرى ڤە ونوکە ل سەرسنکێ دژیت
حسن حسین عبداللە ئەرەدنى
ل سالا 1928ز، ل گوندێ ئەرەدنا ژ دایک بویەو ل سالا 1961ز، بویە پێشمەرگە دگەل سەرقول رەجەب نعمەت ئەرەدنى ل سالا 1970ز، هاتیە ڤە گوهاستن بوسەرکارگەها چەکى ل قمریێ و پاشى بوینە (مەفرەزا) ئەندازا لەشکەرى یا مینان و پشتى سالا 1975ز، هاتیە گرتن ب دەستێن رژێمێ و پشتى شەش هەیڤا ل بن ئەشکەنجێ هاتە ئازاد کرن ، ل کەرکیکێ و پشتى ئازاد کرنێ دەست بکارێ نەهینى کریە ، د گەل رێکخراوا على عبداللە ،و ل سالا 1977ز، دەست دایە چەکى دگەل( زەعیم على و جەوهەر نامق )ى و ل روژا 21/2/1978ل ئاوەرەیى ل گوندێ ئورە رەنیا بەفرێ ب سەر مالا واندا هاتە خوارى، و د ئەنجام دا ، پێنچ زاروکێن وى گیانێ خو ژ دەست دا و ل سالا 1977ز، بویە بەرپرسێ شانەکا سەرەکى و ل سالا 1982ز، بویە بەرپرسێ رێکخراوا شەهید على عبداللە و پشتى ئەنفالێ ئاوارەى ترکیا دبیت و ل ئوردیگایێ ماردین ئاکنجى دبیت ، و پشتى سەرهلدانێ دزڤریتە کوردستانێ و دەست ددەتە چەکى و ل سالا 1995ز، ل سەر پلا کادر هاتیە خانەنیش کرن
ویاژ هەژیە کو بێژن بەشدارى یا د پتر ژ سەد شەراندا کرى ، هەر ژ سالا1961 – 1995ز و رولەکێ بەرچاڤ هەبو د شەراندا و گەلەک جارا هاتیە خەلات کرن ژ لایێ سەرکردایەتیا پارتى ڤە، ل سالا 1972 ژ لایێ( ئێدریسێ جانەمەرگ ) ، هەر وەسا ژ لایێ عبدالسلام بەروارى و جەوهەر نامقى، ڤە و نوکە ل ئینشکێ دژیت
رەمەزان سەعید محمد عەلى ئەرەدنى
ل سالا 1963ز، ل ئەرەدنا هاتیە سەر دونیایێ و خاندنا خویا سەرەتاى ل ئەرەدنا ب دوماهى ئینایە ول سالا 1982ز، بو پێشمەرگە د گەل رێکخراوا شەهید (عەلى عبداللە) و پاشى هاتیە ڤەگوهاستن بو دگەل رێکخراوا (شێرین) و پاشى بو (مەتین)و بویە جێگرێ رێکخراوى و پشتى ئەنفالێ بەرەڤ ترکیا چویە ول ئوردیگایێ ماردین ئاکنجى بویە و پشتى سەرهلدانێ دەست دایە چەکى ، د گەل لەشکەرى تایبەتى دوو و بویە جێگرێ بەتالیونى چوارَو پاشى بویە ئامر بەتالیون،و دهەمى شەرو داستا نێن ل ناڤبەرا سالێن 1982 –1988 ، ،و پتر ژ 75 شەرا دا بەشدارى کریە و سێ جارا هاتیە بریندار کرن و نوەکە ژى هەر یێ بەردەوامە ل سەر خەباتێ و ئامر بەتالیونە و نوکە ل سەر سنکێ دژیت
عبداللە حاجى ئەحمەد ئەرەدنى (عبداللە جغسى)
ل سالا 1938 ز، ل گوندێ ئەرەدنا ژ دایک بویە و هەتا پولا پێنچێ ل ئەرەدنا خواندیەو نوکە دشێت ب زمانێ کوردى و عەرەبى وفارسى و لاتینى ب خوینیت و بنڤێسیت ل سالا 1961ز، بویە پێشمەرگە و ل سالا 1964 هاتیە ڤەگوهاستن بو سەر کارگەها چەکى ل قمریێ و ل سالا 1974ز، بویە ئامر ( مەفرەزێ)، ئەندازێ،ل سالا 1975 ئاوارەى ئیرانێ بویە و ل سالا 1982 ، جارەکا دى هاتیە سەر کارگەها چەکى ل (راژان ) و پلا رێڤەبەرێ کارگەها چەکى بو هاتیە دان و ل سالا 1992ز، هاتیە کوردستانێ و یێ بەردەوام بو د خەباتێ دا هەتا سالا 1997ز و پاشى ل سەر پلا ئامر بەتالیون هاتیە خانەنیش کرن و نوکە ل سەرسنکێ دژیت و د گەلەک شەراندا بەشدارى کریە مینا شەرێ ئامێدیێ و گەلیێ دهوکێ و چیایێ زاوا و بەردەرەش و گەلەکێن دى ودیسان گەلەک کریارێن ئەندازەى، دژى لەشکەرێ حکمەتێ ئەنجام داینەمینا دانانا مینا و دانانا روکێتێن (موجه) و راکرنا مینێن دژمنى ..هتد.
ویا ژ هەژیە کو بێژین. گەلەک جورێن چەکێن نمونە چێکرینە،کو کەسێ بەرى وى چێنە کربون ، وەکى کوپالەک چێکربو کو کەفا وى ژ دارێ کنێرى بو وەکى دى چەک بو ، وشەر پێ دهاتە کرن ول سالا 1981 ز، بو سەروک( مسعود بارزانى) کربو دیارى و نوکە ل موزیخانا تەیبەتا سەروکیە ، و هەر وەسا دەمانچەکا چوار دەخور ژى چێکربو و دیسان ل سالا 1982 ز، بو سەروک( مسعود بارزانى )،کربو دیارى و ئەوژى نوکە ل موزیخانا سەروکیە ، و هەروەسا گەلەک دەمانجێن قەلەم چێکربون ، کو ل سەرەکى پێ دهاتە نڤێسین و ل سەرێ دى فیشەکەک دخوارێ و یادروست بو بو شەرى.
احمد باپیر ئەرەدنى
ل سالا1949 ل گوندێ ئەرەدنا هاتیە سەر دونیایێ و خواندنا خۆیا سەرەتاى ل گوندێ ئەرەدنا ب دوماهى ئینایە و ل سالا 1964 چویە ناڤ رێزین پێشمەرگەى و بەردەوام بویە ل سەر خەباتێ تا سالا1975 و پشتى نەکسا خیانەتکارا جەزائر ، دەست بکارێ نەهێنى کریە دگەل رێکخراوا گارە و مەتین وپاشى ناڤێ رێکخراوا وان بویە رزگارئێک و ل سەر کارێ نەهێنى یێ بەردەوام بوو تاکو سالا 1991 وجارەکادى بویە پێشمەرگە و ئەرکى زێرەڤانیکرنا مێهڤانا پێ هاتیە راسپاردەکرن ووەک لقەکا زێرەڤانى کرنێ وتانوکە ژى یێ بەردەوامە ل سەر خەباتێ . و ل سالا1974 د شەرەکیدا ل کێلایا شەدایێ هاتیە بریندار کرن و ڤى ماوێ خەباتێ دا بەشدارى دگەلەک شەراندا کریە و رولەکێ بەرچاڤ هەبویە"
سادق قادر محمد ئەرەدنى
ل سالا1947ز ، ل گوندێ ئەرەدنا ژ دایک بوویە ، و ل سالا 1961 هاتیە رێکخستن بۆ ناڤ رێزێن پارتى دیمکراتى کوردستان ، و ل سالا 1964ز، رێڤەبەریا حەفت کەسێن دى ژ خەلکێ گوندێ ئەرەدنا دکەت و پێکڤە بەرڤ دەڤەرا گلالە چوینە و شیاینە خۆ بگەهیننە سەرکردایەتیێ و ب دیتنا بارزانى شاد بوینە و 53 رۆژا ماینە ل گلالە ، و بارزانى ژمارەکا تڤەنگا پێشکێشى وان کرن ، و جارە کادى زڤرینە ڤە بۆ دەڤەرێ و پەیوەندى ب هەردوو سەرقولێن ئەرەدنیا کرینە (محمد حسن ئوسمان ئەرەدنى و ئەحمد عەبدالعزیز ئەرەدنى و بوینە پێشمەرگە دگەل سەرکردە ئەسعەد خۆشەڤى ، و پلا بەرپرسێ گروپێ (ئامر مفرزە) بۆ هاتیە دان و بەردەوام بووە ل سەر خەباتێ هەتا رێککەفتن ناما خیانەتکارا جەزائر یا سالا1975، و هەر ل سالا1975جارەکادى هاتیە رێکخستن و دەست ب کارێ نەهێنى کریە ، و ل سالا1976 پەیوەندى ب رێزێن شورەشێ کریە و بەرەڤ کوردستانا ترکیا دچیت ، و ل سالا1982 دزڤریتە ڤە دەڤەرێ و دکەڤیتە د خەباتا پێشمەرگایەتیێ دا هەتا سالا1988 و دەمێ ئەنفالێن رەش ب سەرگەلێ مەدا هاتین وەکو هزارەها کوردێن دى ب مال وخێزان ڤە بەرەڤ ترکیا دچن و ل ئوردیگایێ ماردین ئاکنجى دبن ، ول سالا1989 ب دەستێن حکومەتا ترکیا دهێتە گرتن ل قەزا تەتوانێ و پتر ژ هەیڤەکێ دمینیتە د زیندانێن حکومەتا ترکیا دا ، ل سالا 1991 ڤەدگەرێتە کوردستانێ و دبیتە پێشمەرگە دگەل هێزا ( جەهوەر ئەرەدنى ) و پاشى دهێتە ڤەگوهاستن بۆ دگەل هێزا ( سەعید کێستەى) و پلا ئامر بەتالیون بۆ دهێتە دان ،وپاشى دهێتە ڤەگوهاستن بۆ دگەل هێزا سەید نایف چەلکى هەر وەکو بەتالیون وپاشى ل سەر فەرمانا قلا ئێک دهێتە ڤەگوهاستن وەکو بەتالیونەک سەر ب لقێ ڤە و ئەرکێ بەتالیونا وى ل قەسرا ئینشکێ بۆ دهێتە دان وبەلێ ل سەڕەڕاى وى ئەرکى ژى گەلەک جارا بەتالیونا وى بەرەڤ دەڤەرێن جودا جودا چوینە و بەشدارى د گەلەک شەر و بەرگیرى کرنادا کریە ، بەردەوام دبیت ل سەر خەباتا خۆیا پێشمەرگایەتیێ هەتا سالا2005 ل سەر پلا ئامر بەتالیون دهێتە خانەنیش کرن،نوکە ژى وەکو ره سپى و رێبەرێ گوندى دهێتە نیاسین و هاتیە هەلبژاردن وەکو ( مختارێ) گوندێ ئەرەدنا. و ل ئینشکێ دژیت . و دڤى ماوێ دیرو درێژێ خەباتێ دا ناڤبرى بەشداریەکا بەرچاڤ د گەلەک داستان و شەرانداکریە چ ل کوردستانا ترکیا و چ ل کوردستانا عێراقێ و رۆلەکێ بەرچاڤ دهەمى شەر و داستانا دا هەبوە، مینا شەرێ(چونا سەر مەخفەرێن ئامێدیێ و بامەرنێ ل سالا1961 و شەرێ ئەرەدنا 1962 و شەرێ چیایێ مەتینا ل سالا1963 و شەرێ قەشەفرێ ل سالا 1965 و شەرێ مەیدانا روڤیا ل سالا1965 و شەرێ گەلیێ مزیرکا 1965 ل سالا و کێلایا شەدایێ دوو شەرا ل سالا 1975 و چیایێ سپیرێزى و کەلەکێن دى ول سالا1981 شەرەکى دگەل حکومەتا ترکیا دکەن ل دەڤەرا مار ئینس و رولەکێ ئێکجار مەزن دوى شەریدا دبینیت . هەر دیسان ل سالێن 1991 تا 2005 دگەلەک شەراندا بەشدارى کریە وەکو ( شەرێ کەپکێ حەمە ئاغى و سەفینى وکولاڤ قاسمى و دولا بالیسان و زیارەت و هەڤلێرێ وکەس نەزان ، وهەر دیسان گەلیێ هەسپا و بازێ ل دەڤەرا بەروارى بالا و چایێ رەشەى و ئاڤا مارک و گەلەک جاران بەرگیرى کرن ژ قەدشێ و ئینشکێ و ب دەهان شەرێن دى بەشدارى تێدا کریە .
ئیبراهیم عبداللە محمد ئەرەدنى
ل سالا1950 ل گوندێ ئەرەدنا ژدایک بویە و خواندنا خۆیا سەرەتاى ل گوندى ب دووماهى ئینایە و ل سالا1965 بویە پێشمەرگە دگەل سەرقول رەجەب نعمەت ئەرەدنى و بەردەوام بویە ل سەر خەباتێ تا سالا1972 وهاتیە رەوانەکرن بۆ خولەکا فێربونا ئەندازێ (هەندسێ) ل دەڤەرا بالەکایەتى ول گوندێن قەسر و ماکوسا و سەرپەرشتیا خولێ میلازم یوسفى دکر ، و ب پلا زۆر باش ژ وێ خولێ دەرچووە و ل سالا1973 هاتیە ڤەگوهاستن بۆ سەر کارگەها چەکى ل قمریێ هەتا سالا1975 ، و ل سالا1976 جارەکا دى هاتیە رێکخستن بۆ ناڤ رێزێن پارتى دیمکراتى کوردستان دا و ب کارێ رێکخستنێ رابویە هەتا ئەنفالێن رەش ب سەر گەلێ مەدا هاتین ل سالا 1988 ، و دەمێ سەرهلدانا پیروز سەر هلداى رولەکێ بەرچاڤ د سەرهلدانێ دا گێرایە و جارەکا دى بویە پێشمەرگە دگەل هێزا ( عادل بەگێ ) بەروارى و ژبەر زیرەکى و مێرخاسیا وى بویە جێگرێ هێزا نافبرى ل تەوەرێ بێگوڤا و ل سالا1995 هاتیە ڤەگوهاستن بۆ دگەل لەشکەرێ رێکخستى بەتالیونا سێ ب سەرکردایەتیا ئەحمەد چەلکى و پلا سەرلق بۆ هاتیە دان و پاشى بویە جێگرێ بەتالیونا نافبرى ، و ل سالا1997 دبیتە ئامر بەتالیون سەر ب لیواء 36 ڤە کو سەرکردێ وێ لیوایێ عەگید کارەى بوو ، و بەردەوام دبیت ل سەر خەباتێ هەتا سالا2005 ل سەر پلا ئامر بەتالیون هاتیە خانەنیش کرن
ئەحمەد محمد قادر ئەرەدنى
ل سالا 1955 ل گوندێ ئەرەدنا ژ دایک بویە و خواندنا خۆیا سەرەتاى ل گوندى بدوماهى ئینایە و یا ناوەندى ل بامەرنێ ، و ل سالا1974 بویە پێشمەرگە دگەل سەرلق شەعبان محمد تاها ئەرەدنى ودگەل هێزا غازى حاجى مەلوى ، هەتا سالا1975 و پشتى نەکسێ و ل سالا1977 دەست بکارێ نەهێنى کریە و ل سالا 1980 پەیوەندى ب رێزێن شورەشێ کریە ول لقا ئێک و هاتیە ڤەگوهاستن بۆ دگەل رێکخراوا شەهید ئەنوەر مائى و بەرپرسێ وێ شەعبان غەفار بێدوهى بۆ ، و ل سالا1982 بویە بەرپرسێ شانەکا سەرەکى و ل سالا 1983 هاتیە ڤەگوهاستن بۆ دگەل رێکخراوا شرین کو بەرپرسێ وێ سلمان حەجى محمود بامەرنى بوو ، و ل سالا1984 هاتیە ڤەگوهاستن بۆ دگەل رێکخراوا شەهید سعید سپیندارى کە بەرپرسێ وێ ئەحمد چەلکێ بوو و هەر دیسان بویە بەپرسێ شانەکا سەرەکى و ل سالا 1985 هاتیە ڤەگوهاستن بۆ دگەل رێکخراوا مەتین کو بەرپرسێ وێ جەهوەر ئەرەدنى بوو ، وبەردەوام بووە ل سەر خەباتێ هەتا سالا1988 و دەمێ ئەنفالێن رەش ب سەر گەلێ مەدا هاتین وەکو هزارەها کوردان ب مال وخێزان ڤە بەرەڤ ترکیا دچن و ل ئوردیگایێ ماردین ئاکنجى دبن ، و پشتى سەرهلدانێ ڤەدگەرێنە کوردستانێ و دبیتە پێشمەرگە دگەل هێزا جەهوەر ئەرەدنى و ل سالا 1994 هاتیە ڤەگوهاستن بۆ دگەل لەشکەرى تایبەتى دوو بەتالیونا سێ شەعبان حەکیم ئەرەدنى و پلا سەر لق بۆ دهێتە دان و ل سالا1996 پلا ئەفسەرێ ئیدارى بۆ دهێتە دان و ل سالا1997 پلا ئەفسەرێ هەوالگیرى بۆ دهێتە دان و بەردەوام دبیت ل سەر خەباتێ تا سالا2005 دهێتە ڤەگوهاستن بۆ دگەل هێزا چوار کو بەرپرسێ وێ فەرمان ئاڤدەل گەردى ، و هەر دیسان ل سەر پلا ئەفسەرێ هەوالگیرى یێ هێزێ و تا نوکە ل سەر خەباتێ یێ بەردەوامى ، و دگەلەک شەرو داستانادا بەشدارى کرى یە مینا ( لێدانا بنکێن سەرێ گارەى ل سالا1981 و شەرێ سەرێ ئامێدیێ ل سالا1982 و لێدانا ئامێدیێ ل سالا1982 و لێدانا بنکێ سەرێ قەدشێ ل سالا1982 و هەردیسان بنکێ سەرێ قەدشێ ل سالا1984 و دانانا بوسەکێ ل گوندێ کانیکا ل سالا1983 و بەر سینگ گرتنا دۆژمنى بۆ سەر لیژنا دهوک ل سالا1984 و هەر دیسان بەر سینگ گرتنا دۆژمنى بۆ سەر لیژنا زاخو دهوک ل سالا1986 و شەرێ سەرێ ئامێدیێ ل سالا1984 و تێدا بریندار دبیت ، و دانانا بوسەکێ ل دەشتا چەقەلا ل سالا1985 شەرێسکرینێ و شەرێ گرکا و شەرێ سگێرێ هەر سێک ل سالا1986 و شەرێ کورا بەرێ تەحتى ل سالا1986 و دانانا بوسەکێ ل ئورمانا سالا1987 و دانانا بوسەکێ ل گوندێ ئەلکیشکێ ل سالا 1987 و داستانا ئەرەدنا ل سالا1987 و داستانا کانى ماسێ 1987 و داستانا دێرالوکێ 1987 وداستانا فرۆک خانا بامەرنێ 1987 دوو جاراو ب دەهان شەرێن دى بەشدارى تێدا کریە و هەر وەسا پشتى سەرهلدانێ بەشدارى د شەرێ ( شیڤیێ و بازێ و چیایێ رەشەى و ئاڤا مارک و چیایێ گارەى و مەتینا و حەفت تەبەقى و زلیێ و هەڤلێرێ کولاڤ قاسم و زیارەت و چیایێ سەفین و گوم هەسپان و دیگەلە و و دەهان شەرێن دى بەشدارى تێدا کریە و رولەکێ بەرچاڤ د هەمى شەراندا هەبویە .
